Кочани, 16 март 2025 – Вчера во доцните вечерни часови, во дискотеката „Пулс“ во Кочани избувна страшен пожар, при што загинаа најмалку 51 лице, а над 100 се повредени. Ова е една од најголемите трагедии во поновата историја на Македонија.
Според првичните информации од Министерството за внатрешни работи, пожарот започнал од пиротехнички средства користени за време на настап на музички бенд. Искрите го запалиле таванот од запалив материјал, што предизвикало брзо ширење на огнот и густ чад, заробувајќи многу посетители внатре.
Министерот за внатрешни работи, Панче Тошковски, изјави дека истрагата е во тек и дека се разгледуваат сите аспекти на безбедносните пропусти. „Ова е незамислива трагедија. Ќе има одговорност за сите што дозволиле вакви небезбедни услови,“ изјави тој.
Градоначалникот на Кочани, како и надлежните инспекциски служби, сè уште не се изјасниле за евентуални оставки или одговорност. Локалните жители бараат итна акција и целосно расчистување на случајот.
Семејствата на загинатите се во шок, а Кочани денес е завиен во тага. Властите апелираат за воздржаност додека трае истрагата.
ROMA News ќе продолжи да известува за оваа трагедија и за сите понатамошни случувања.
Повеќе артикли
Ден на победата над фашизмот – 9 мај 2025 година-Ако не сте подготвени да реагирате кога фашизмот ќе затропа на вратата на Ромите, тогаш не сте против фашизмот.
Фондацијата „Ромите за Европа“ нуди решенија – партиите нека не шират отров, туку нека соработуваат со активистите
Одржан по 8 ми пат Десткиот ромски музички фестивал „Чхаворикано Суно 2025