Реакција од претседателот на ДУИ Шуто Оризари

Ова е тешко за нашата општина и за нашите деца. Како е можно во една мала општина како нашата да има 8 кандидати за градоначалник и 8 листи за советници од ромската заедница? Ова е навистина жално. Се гледа дека нема вистински политичари, туку само лични интереси.

Ако навистина мислат на народот и на иднината, тогаш треба да бидат обединети во два фронта и да најдат компромис. Паметен политичар секогаш бара решение за подобра иднина на граѓаните, а не за лична корист.

Ова што се случува не е нормално. Јас сум загрижен од ваквото политичко однесување во нашата општина, затоа што никој не најде за потребно да седне и да ги приближи разликите за доброто на граѓаните. Разлики има насекаде, но затоа постојат компромиси, а не инаети. Политичките инаети не ги уништуваат само политичарите, туку и граѓаните.

На Шуто Оризари ѝ е потребно обединување, а не поделби. Бог да ни помогне, затоа што вака губат граѓаните.