Roma News јавно го поставува прашањето до Владата на Република Северна Македонија: дали притисоците и политичките уцени најпрво се тестираат врз Ромите и ромската заедница?
Според анонимни извори, причината зошто 20 ромски здравствени медијатори и 5 лица кои работат во ромските информативни центри сè уште немаат потпишано договори за вработување, додека нивните колеги Македонци и Албанци веќе се вработени, е политички притисок. Според истите извори, од овие лица се бара политичка лојалност како услов за нивното вработување.
Политички уцени или случајност?
Оваа состојба отвора сериозни сомнежи дека Ромите повторно се мета на системска дискриминација и дека институциите свесно ги користат работните договори како механизам за политичко потчинување.
Анонимните извори тврдат дека одредени политички кругови вршат директен притисок врз овие лица да се приклучат кон одредена политичка партија во замена за гаранција дека ќе бидат вработени. Дали ова е цената што Ромите треба да ја платат за работно место во државните институции?
Дали Владата го крши својот сопствен План за инклузија на Ромите?
Во изминатите години, Владата повеќепати најавуваше стратегии и програми за подобрување на статусот на ромската заедница, но ваквите ситуации покажуваат дека во пракса работите стојат поинаку. Ако Владата навистина има искрени намери за подобрување на состојбата на Ромите, зошто тогаш токму нив ги остава надвор од системот?
Клучни прашања:
- Зошто токму Ромите сè уште немаат потпишано договори, додека нивните колеги Македонци и Албанци се веќе вработени?
- Дали работните договори се користат како политичка уцена за партиска лојалност?
- Дали оваа пракса е во спротивност со Стратегијата за Ромите и принципите за еднаквост?
- Дали Владата ќе преземе конкретни чекори за решавање на овој проблем или повторно ќе ги игнорира барањата на ромската заедница?
Време е за одговорност!
Време е Владата да покаже дали навистина работи за сите граѓани или продолжува со практики кои ја маргинализираат ромската заедница.
Владата ќе ги заштити ли основните права на Ромите или ќе продолжи со политички игри на нивна штета?
Повеќе артикли
Ден на победата над фашизмот – 9 мај 2025 година-Ако не сте подготвени да реагирате кога фашизмот ќе затропа на вратата на Ромите, тогаш не сте против фашизмот.
Фондацијата „Ромите за Европа“ нуди решенија – партиите нека не шират отров, туку нека соработуваат со активистите
Одржан по 8 ми пат Десткиот ромски музички фестивал „Чхаворикано Суно 2025